يابأرد الاحساس صدر الغلا ضـاق
يكفي غياب ويكفي الي جري لـي
مسكين قلب دايم الـدوم مشتـاق
مستحمل ظلـم الزمـن والليالـي
مثل الجبل ما هزتك ريح الاشـواق
ولازارتك ذيـك الهمـوم الثقالـي
خسران دامك ما تبي حب ووفـاق
تذبل زهورك كلما الوقـت طالـي
اصعب خبر لا قلت لي كلمه فـراق
عقب الوفا والحب تنسي وصالـي
واجمل خبر لاجيتني حيـل سبـاق
تطلب حنينـي يابعـد كـل غالـي
كن الغلا مزروع في وسط الاعماق
غايب ولا يمكـن تفـارق خيالـي
لك في خفوقي حب وازهار واشواق
ولي في خفوقك بس هجر وتعالـي
يابأرد الاحساس صدر الغلا ضـاق
يكفي غياب ويكفي الي جري لـي
موضوع: يابارد الإحساس صدر الغلا ضـــاق 
الأحد ديسمبر 21, 2008 5:19 pm