أدور فـي مجاهيـم القصايـد مايثيـر الـبـال
عساني لاوصفت اوصف حلاك وأكسـر وثاقـي
أنا لاشفت هالكحل بطـرف عينـك ازيـد هبـال
وأزيد من الجنون اكثر جنـون وانثـر اشواقـي
دخيلك لا تناظرني تـرى بعـض العيـون خبـال
دخيلك لاتزيـد الطيـن بلـه وانـت فـاعماقـي
طفح كيل القصيد اللـي نزفتـه وابتـدا المـوال
وأنا لازلت ادور لـك كـلام(ن) يستـر أوراقـي
دخيل أجمل عيون اللـي شقاوتهـا تهـد جبـال
دخيلـك لاتجننـي بهـا ثـم تـنـوي فـراقـي
دخيل أحلى عيون اللي بها سحر وشموخ رجـال
تخلينـي معاهـا ارحـل بعيـد وتوسـع افاقـي
دخيل اجمل جديل(ن) طاح من عالي مثـل شـلال
على خصر(ن) نحيل(ن) فوق صدرٍ(ن) كمل الباقي
دخيلك والهوى لامن تحـرك ثـم جديلـك مـال
يميل القـد مـع ميـل الجديـل ومعـه خفاقـي
دخيل اجمل حرير اسود سواده فاق اسـود شـال
تخليني على صـدرك انـام وأغمـض احداقـي
دخيل الجيد والعاتـق دخيـل النحـر والسلسـال
دخيـل الشفتيـن اللـي تضيـع هقـوة لهاقـي
دخيل الخال في صدرك دخيل اجمل صدر به خـال
دخيـل الضمتيـن ورجفـة الخفـاق وعنـاقـي
دخيل السلسبيل اللي بصـدرك والعـرق لاسـال
تخليني وسطه اغـرق أليـن اوصـل لترياقـي
وانا لاقلت بغرق بـك ابغـرق ماعليهـا جـدال
ابغرق ليـن يذبحنـي ضمـاك ويتعـب الساقـي
دخيلك يوم انا جيتـك وجيـت بشيطنـة اطفـال
تخليني علـى الفطـره كـذا لاتنـوي اغراقـي
دخيلك لا طفح كيـل القصايـد مانتهـى المـوال
تخلينـي ادور لـك كـلامٍ يفـضـح اوراقــي
...أتمنـــى إنها تنال إعجابكم...
موضوع: ~~@حبــــــــــــة خــــــــال@~~ 
الأحد ديسمبر 21, 2008 5:12 pm